ഞായറാഴ്‌ച, നവംബർ 28, 2010

അധ്യാപികമാര്‍ തിരക്കിലാണ് ,കുട്ടികളും........

 അര്‍ദ്ധവാര്‍ഷിക മൂല്യനിര്‍ണയം കഴിഞ്ഞു ..പരീക്ഷക്കടലാസ് നോക്കണം, SEP തയ്യാറാക്കണം,  CPTA  വിളിക്കണം ,രണ്ടാം ഭാഗം പുസ്തകങ്ങള്‍ വിതരണം ചെയ്യണം ....പിടിപ്പതു പണി തന്നെ!ഇതിനിടയില്‍ മേളകളും!!അതിനു കുട്ടികളെ ഒരുക്കുകയും വേണം..അക്ഷരാര്‍ഥത്തില്‍ ഇവിടെ അധ്യാപികമാര്‍ തിരക്കിലാണ് ,ഒപ്പം കുട്ടികളും .....
                ഇത്തവണ ഒന്നിനുപിറകെ ഒന്നായി എല്ലാ മേളകളും എത്തുകയാണ് .ഏതാണ് ഒഴിവാക്കുക?അല്ലെങ്കില്‍ ഏതിനാണ് ഊന്നല്നല്കുക?  SRG കൂടി ചര്‍ച്ച ചെയ്തു തീരുമാനവും എടുത്തു.പതിവുപോലെ എല്ലാ മേളകളിലും പൂര്‍ണ പങ്കാളിത്തം ഉറപ്പാക്കണം!കടപ്പുറത്തെ കുട്ടികള്‍ മറ്റു നാടുകള്‍ കാണട്ടെ!! 
        പങ്കെടുക്കാന്‍ തീരുമാനിച്ച സ്ഥിതിക്ക് തീരെ മോശ മാകാതിരിക്കണമെങ്കില്‍  അധ്യാപികമാര്‍ ഉത്സാഹിച്ചേ പറ്റു..ഓരോരുത്തരും ചുമതലകള്‍ സ്വയം ഏറ്റെടുത്തു,പരിശീലനവും തുടങ്ങി........



 ശാസ്ത്ര-ഗണിതശാസ്ത്ര-പ്രവര്‍ത്തിപരിചയ മേളയായിരുന്നു ആദ്യം .പ്രവര്‍ത്തിപരിചയ മേളയിലെ 10 ഇനങ്ങള്‍ സുമ ടീച്ചറും ,സുജി ടീച്ചറും,സീമ ടീച്ചറും വീതിച്ചെടുത്തു പരിശീലിപ്പിച്ചു ശാസ്ത്ര മേളയുടെ ചുമതല ഹെട്മാസ്ടരും,ഗണിത മേളയുടെ  അധികച്ചുമതല സുമ ടീച്ചറും ഏറ്റു...               ഒടുവില്‍ മേളയുടെ ദിവസം എത്തി.ഭാഗ്യത്തിന് ശനിയാഴ്ചയായിരുന്നു മേള!15 കുട്ടികളെയും കൊണ്ടു അതിരാവിലെ ഞങ്ങള്‍ കടലോരമായ ബേക്കലില്‍ നിന്നും മലയോരമായ പെരിയയിലേക്ക് യാത്രയായി .പാടുപെട്ടു സ്ഥലം പിടിച്ചു കുട്ടികളെ മത്സര വേദികളില്‍ ഇരുത്തി.....   

                                                                                                                                                    പ്രവര്‍ത്തിപരിചയ മേളയില്‍ മൂന്നു മണിക്കൂര്‍ കൊണ്ടാണ് ഉല്‍പ്പന്നങ്ങള്‍ ഉണ്ടാക്കേണ്ടത് ..വിധി നിര്‍ണയിക്കാന്‍ ജഡ്ജിമാരെയും കാത്തു പിന്നെയും മണിക്കുറുകള്‍!ഞങ്ങളുടെ കുഞ്ഞു മക്കള്‍ അത്രയും സമയം ക്ഷമിച്ചിരുന്നുവല്ലോ ...അതുതന്നെ ഭാഗ്യം!                  
                                        ഗണിത മേളയില്‍ ജ്യോമെട്രി ക്    ചാര്‍ട്ടും പസിലും ആയിരുന്നു തല്‍സമയ മത്സര ഇനങ്ങള്‍.സയനോരയും കൃഷ്ണപ്രഭുവും  നന്നായിത്തന്നെ ചെയ്യും എന്നാണു സുമ ടീച്ചരുറെ പ്രതീക്ഷ ..എന്താവുമോ ആവോ!കാത്തിരുന്നു കാണാം .                                       
'കുപ്പിയില്‍ ഇറങ്ങി കുപ്പിയെ പൊക്കുന്ന' മാന്ത്രിക ബലൂണ്‍ തയ്യാറാക്കി ആഷികയും സജിനയും  10 മണിക്ക് ഇരിക്കാന്‍ തുടങ്ങിയതാണ്‌ ജഡ്ജിമാരെയും കാത്ത്,   അവര്‍ എത്തിയതോ  നാലുമണിക്കും!     (ഇതിനിടയില്‍ കിട്ടിയ ഭക്ഷണം അടിപൊളി!)കുപ്പിയില്‍ കടലാസ് കത്തിച്ചിട്ട് ബലൂണ്‍ മുകളില്‍ വെച്ചപ്പോള്‍ ആദ്യം പൊട്ടിയെങ്കിലും സ്റ്റെപ്പിനി ബലൂണ്‍ ഉണ്ടായിരുന്നത് കൊണ്ടു കാര്യം ഭംഗിയായിത്തന്നെ നടന്നു .     
"ജൈവ വൈവിധ്യം"എന്താണെന്ന് വ്യക്തമാക്കുന്ന ചാര്‍ട്ടുകള്‍ ആയിരുന്നുന്നു ജനിഷയും  ഷിബിനും  ശാസ്ത്ര മേളയില്‍ പ്രദര്‍ശിപ്പിച്ചത്.ജട്ജസ്സിന്റെ  ചോദ്യങ്ങ ള്‍ക്കെല്ലാം മണിമണിയായി ഉത്തരം പറഞ്ഞുവെന്നാണ് കുട്ടികളുടെ പക്ഷം!   എന്തായിരിക്കും  Result????????                                                             നേരം ഓരോപാടു വൈകിയിരിക്കുന്നു ..കുട്ടികളെ കടപ്പു റത്തെത്തിക്കണം  ..എന്നിട്ടുവേണം റെയില്‍വേ സ്റ്റേഷനില്‍ ചെന്ന് വണ്ടി പിടിച്ചു അധ്യാപികമാര്‍ക്ക് വീട്ടിലെത്താന്‍!                                                                പ്രോഗ്രാം കമ്മിറ്റി റൂമിലെത്തി ഫലം അറിയാന്‍ വല്ല വഴിയും ഉണ്ടോ എന്ന് നോക്കി ..ഹാവൂ,ഫലം റെഡിയായിരിക്കുന്നു!ഞങ്ങള്‍ക്കുമുന്ടു   നാല് സമ്മാനങ്ങള്‍...സയന്‍സ് ചാര്ട്ട്-മൂന്നാം സ്ഥാനം,ജ്യോമെട്രി ക്  ചാര്ട്ട് -മൂന്നാം സ്ഥാനം,പ്രവര്‍ത്തിപരിചയ മേളയില്‍  thread pattern-രണ്ടാം സ്ഥാനം,മുത്തുകള്‍ കൊണ്ടുള്ള ഉല്‍പ്പന്നങ്ങള്‍-മൂന്നാം സ്ഥാനം ...ഇത്രയെങ്കിലും കിട്ടിയതില്‍ ഞങ്ങള്‍ സന്തുഷ്ടരാണ് ..ഇങ്ങനെയൊരു സ്കൂള്‍ കടലിന്റെ മക്കള്‍ക്കായി ഉണ്ടെന്നും ,പാര്ശ്വവല്‍ക്കരിക്കപ്പെട്ടവര്‍ എന്നെന്നും അങ്ങനെത്തന്നെയായിരിക്കില്ല എന്നും നാലാള്‍ അറിയുമല്ലോ!..കലാ-കായിക മേളകള്‍ അടുത്തെത്തിയിരിക്കുന്നു ..അവിടെയും പങ്കാളിത്തം പൂര്‍ണം തന്നെ..ഫലം??..കാത്തിരിക്കാം .........                                                                                                              

ഞായറാഴ്‌ച, നവംബർ 14, 2010

ജൈവവൈവിധ്യമാണ് ജീവന്‍ ......


 




എത്രയെത്ര ജീവികള്‍!





ജൈവ വൈവിധ്യ ഫോട്ടോ ക്വിസ്സില്‍
ഉപയോഗിച്ച ഫോട്ടോകളാണ് ഇവിടെ
കൊടുത്തിരിക്കുന്നത്...
        ചോദ്യങ്ങള്‍ എഴുതാതെ തന്നെ മനസ്സിലയിരിക്കുമല്ലോ!
     ആവസവ്യവസ്ഥാവൈവിധ്യം  ,ജീവജാതിവൈവിധ്യം,ജനിതക വൈവിധ്യം തുടങ്ങിയ വലിയ വലിയ കാര്യങ്ങളെക്കുറിച്ച് ചെറുതായി മനസ്സിലാക്കാന്‍ ഇതുവഴി കുട്ടികള്‍ക്ക് സാധിച്ചു ..വനനശികരണം,കുന്നിടിക്കല്‍ ,വംശനാശ ഭിഷണി നേരിടുന്ന ജീവികള്‍ ,ആഗോളതാപനം ഇവയെക്കുറിച്ചും കിട്ടി ചില ധാരണകള്‍! 



                                        കാട്ടാനകള്‍ കാടു വിട്ടാല്‍?






പരിസ്ഥിതി പ്രവര്‍ത്തകര്‍,പ്രസ്ഥാനങ്ങള്‍ ഇവയും ചര്‍ച്ചാവിഷയമായി!




കാടു നശിച്ചാല്‍ കഷ്ടപ്പെടുന്നത് കാട്ടിലെ ജീവികള്‍ മാത്രമോ?ഹിമക്കരടിയുടെ പോലും ആവാസം ഇതുവഴി നഷ്ടപ്പെടുന്നു!
നീലക്കുറിഞ്ഞി  പുത്തപ്പോള്‍!!!









ജൈവവൈവിധ്യമാണ് ജീവന്‍!    ജൈവവൈവിധ്യമാണ് നമ്മുടെ ജീവിതം!!


ഞായറാഴ്‌ച, നവംബർ 07, 2010

ജൈവ വൈവിധ്യ ഫോട്ടോ ക്വിസ്




2010-അന്താരാഷ്‌ട്രജൈവവൈവിധ്യവര്‍ഷം..ഇതുമായി ബന്ധപ്പെട്ട്  കുറെയേറെ കാര്യങ്ങള്‍ കുട്ടികള്‍ ഇതിനകം മനസ്സിലാക്കിയിരിക്കുന്നു.ജൂണ്‍ 5 പരിസരദിനത്തിലായിരുന്നു പരിപാടികളുടെ തുടക്കം .സ്കൂള്‍ തുറക്കുന്നതിനു മുമ്പ് ജൈവവൈവിധ്യ വര്‍ഷത്തിന്‍റെ എംബ്ലം  ഉള്‍പ്പെടെ മതിലില്‍ വരച്ച വര്‍ണചിത്രം കുട്ടികള്‍ക്ക് പ്രചോദനമായി.  സ്കൂള്‍ വളപ്പില്‍ അവര്‍ നട്ട മരങ്ങളുടെ പേരുകള്‍ തന്നെ ഒരോ  ക്ലാസ്സിലെയും ഗ്രുപ്പുകള്‍ക്ക് നല്‍കി-പൂവരശ് ,ബദാം,കണിക്കൊന്ന,വേപ്പ്, പേര ....യുറീക്ക ജൈവവൈവിധ്യ പതിപ്പില്‍ നിന്നും ലഭിച്ച വിവരങ്ങള്‍ മുതല്‍ക്കൂട്ടായി ....സ്കൂള്‍-പഞ്ചായത്ത് തലങ്ങളില്‍ നടത്തിയ വിജ്ഞാനോത്സവങ്ങള്‍ അറിവിന്‍റെ   ചക്രവാളം ഒന്നുകൂടി വികസിപ്പിച്ചു .സ്കൂള്‍ ലീഡര്‍ ആയ ജനിഷ പഞ്ചായത്ത്          വിജ്ഞാനോല്സവത്തിലെ     മികച്ച  അഞ്ചു കുട്ടികളില്‍ ഒരാളായി ...........                                                                           ഇതുവരെയായി കുട്ടികള്‍ നേടിയ അറിവുകള്‍ വിലയിരുത്തുന്നതിനും ,കുടുതല്‍ കാര്യങ്ങള്‍ പകര്‍ന്നു നല്‍കുന്നതിനുമായി വന്യജീവി വരാഘോഷത്തോടനുബന്ധിച്ച്ചു നടത്തിയ ജൈവ വൈവിധ്യ ഫോട്ടോ ക്വിസ് തികച്ചും പുതുമയാര്‍ന്ന അനുഭവമായി മാറി അവര്‍ക്ക്!  ഇന്റര്‍നെറ്റില്‍   നിന്നും എടുത്ത ഫോട്ടോകള്‍ എല്‍.സി.ഡി പ്രൊജക്ടര്‍ ഉപയോഗിച്ചു കാണിച്ചാണ് ക്വിസ് നടത്തിയത്. 25 ചോദ്യങ്ങളില്‍ 19 എണ്ണത്തിന് ശരിയുത്തരങ്ങള്‍  എഴുതി ജനിഷ ഒന്നാം സ്ഥാനം നേടി .മറ്റുള്ളവരുടെ പ്രകടനവും മോശമായിരുന്നില്ല .......... കടപ്പുറം സ്കൂളിലെ കുട്ടികള്‍ മുന്നോട്ടു തന്നെ!                                                    ... ഫോട്ടോ ക്വിസ്സിന്റെ  വിശദാംശങ്ങള്‍ അടുത്ത പോസ്റ്റില്‍  ....