വെള്ളിയാഴ്‌ച, ഡിസംബർ 23, 2011

''ഹാപ്പി ക്രിസ്മസ്! ഹാപ്പി ന്യൂ ഈയര്‍!!''

ക്രിസ്മസ് പരീക്ഷ കഴിഞു..ഇന്ന് ക്രിസ്മസ് അവധിക്ക് സ്കൂള്‍ അടക്കുകയാണ്..ഇനി പത്തു ദിവസം കഴിഞ്ഞ് സ്കൂള്‍ തുറക്കുമ്പോഴേക്കും പുതു വര്‍ഷംഎത്തിയിരിക്കും..അതിനാല്‍ ഇപ്പോഴേ എല്ലാവര്‍ക്കും പുതുവത്സരം ആശംസിക്കാം...ഓ,ക്രിസ്മസ് ആശംസയല്ലേ ആദ്യം പറയേണ്ടത്..ശരി,പറഞ്ഞേക്കാം..'ഹാപ്പി ക്രിസ്മസ്!'ആശംസാ കാര്‍ഡ് നിര്‍മ്മാണവും കേക്ക് മുറിക്കലും ഒക്കെത്തന്നെയായിരുന്നു ഇന്നത്തെ പരിപാടി.  
കണ്ടില്ലേ,ഇവര്‍ ആശംസാ കാര്‍ഡുകള്‍ നിര്‍മ്മിക്കുകയാണ്..''ഇങ്ങനെ മതിയോ?''
രണ്ടാംക്ലാസ്സുകാരിയായ  മേഘ  കളര്‍ കൊടുക്കുന്നതില്‍  മുഴുകിയിരിക്കുകയാ..
''ആദ്യം ഈ ചിത്രം ഒന്ന് പൂര്‍ത്തിയാക്കട്ടെ,എന്നിട്ടാകാം കളറിംഗ് '',   ജനിക്ക് തിരക്കേയില്ല!
''ഞങ്ങളും കാര്‍ഡ് ഉണ്ടാക്കുകയാ..കണ്ടോളൂ ...''
''ആദ്യം ഇങ്ങനെ മുറിക്കണം,എന്നിട്ട്..''.....ടീച്ചറും തിരക്കിലാണ്,കേട്ടോ!
''ഞാന്‍ ഒന്നാം ക്ലാസ്സിലെ നന്ദന, ഇങ്ങനെയാ എന്റെ കാര്‍ഡ്..പോരെ?''
''ക്രിസ്മസ് ട്രീ,സ്റാര്‍,അപ്പൂപ്പന്‍...ഇനിയെന്തെങ്കിലും വേണോ ആവോ?''
''എങ്ങനെയുണ്ട് ഞങ്ങളുടെ സൂത്രം,കൊള്ളാമോ?പണി തീര്‍ന്നില്ല കേട്ടോ...''  
''ആശംസാ കാര്‍ഡില്‍  ഇങ്ങനെയൊക്കെ എഴുതുകയും വേണ്ടേ?''












''ഇതെവിടെയാ ഒട്ടിക്കേണ്ടത്..... മനസ്സിലാകുന്നില്ലല്ലോ.....''

ഇനി  ക്രിസ്മസ് കേക്ക്  മുറിക്കാം...

''എല്ലാവരും കാര്‍ഡുണ്ടാക്കി യല്ലോ   .ഇനി കാര്‍ഡ് കൊടുക്കേണ്ട കൂട്ടുകാരനെ നമുക്ക് നറുക്കെടുത്ത് കണ്ടെത്താം... .''

''അപ്പൂപ്പനോ,ഞാനോ..ആരാ നല്ലത്?''

''ഇതാണ് ഞങ്ങളുടെ ആശംസാ കാര്‍ഡുകള്‍''

''എതാ മെച്ചമെന്ന് പറയാമോ?''

''എല്ലാരും എന്റെ ചിത്രം നോക്കിക്കോ..എന്നെ കാണണ്ടാ...''

''ഹാപ്പി ക്രിസ്മസ്... ടു... യു''

''എന്റെ ആശംസാ കാര്‍ഡ് അപ്പൂപ്പന് തന്നെ ഇരിക്കട്ടെ....''..

'നമുക്ക് ഹാപ്പി ക്രിസ്മസ് പാടാം..ടീച്ചര്‍ കേക്ക് മുറിക്കാന്‍ തുടങ്ങി,ഹാപ്പി..ക്രിസ്..മസ്...'

''ഹായ്...വെരി സ്വീറ്റ്!''

''എന്റെ നാവില്‍ നിന്ന് മധുരം മായുന്നേയില്ല...''.

''അയ്യട! എന്റേത് തട്ടിപ്പറിക്കാന്‍ നോക്കണ്ടാ.......നിനക്ക് വേറെ കിട്ടും''

''ടീച്ചറ് എല്ലാ കഷണവു ഒരേ വലുപ്പത്തില്‍ ത്തന്നെയാണോ മുറിക്കുന്നത്എന്ന്  നോക്കട്ടെ.... ''


ഇവിടെ കേക്ക് മുറിക്കാന്‍ സാക്ഷാല്‍ 'ക്രിസ്മസ് അപ്പൂപ്പന്‍' തന്നെ എത്തിയല്ലോ!

ആദ്യത്തെ കഷണം മേഘയ്ക്ക് തന്നെയാവട്ടെ...

......ഇതൊന്നുമില്ലെങ്കില്‍ പിന്നെന്തു ക്രിസ്മസ്...

'ക്രിസ്മസ് ട്രീ'  ഇങ്ങനെയു ആവാം,ല്ലേ?

''ഹാപ്പി..ക്രിസ്മസ്..ഹാപ്പി  ന്യു ...ഇയര്‍''

മൂന്നാം ക്ലാസ്സുകാരുടെ ആശംസാ കാര്‍ഡുകള്‍ ഡിസ്പ്ലേ ബോര്‍ഡില്‍ വെച്ചപ്പോള്‍...

''ഇനി അല്‍പ്പം ക്രിസ്മസ് വിശേഷങ്ങള്‍....ശ്രദ്ധിച്ചു   കേള്‍ക്കണേ..''.

''.....കാര്യങ്ങളെല്ലാം മനസ്സിലായല്ലോ....നിന്നെപ്പോലെ നിന്റെ അയല്‍ക്കാരനെയും സ്നേഹിക്കുക..അതാണ്‌ യേശു നമ്മെ പഠിപ്പിച്ചത്...മുല്ലപ്പെരിയാറിന്റെ പേരില്‍ തമിഴ്‌നാടുംകേരളവും തമ്മില്‍ ശത്രുത ഉണ്ടാവാനേ പാടില്ല...കേരളത്തിലെ ജനങ്ങളുടെ   ജീവന്‍ രക്ഷിക്കാനായി പുതിയ അണക്കെട്ട് പണിയണം,അതെ സമയം തമിഴ് നാടിനു തുടര്‍ന്നും വെള്ളം നല്‍കുകയും വേണം...അതിനായി സൌഹൃദ ചര്‍ച്ചകളാണ് ആവശ്യം...പിണക്കം നമുക്ക് ഒഴിവാക്കാം..''

ശനിയാഴ്‌ച, നവംബർ 26, 2011

ഉപജില്ലാ കലോത്സവത്തില്‍ ഉത്സാഹപൂര്‍വ്വം...

ദൃശ്യ-മാപ്പിളപ്പാട്ട്
സ്നേഹ,ശാലു,മാളവിക,മനീഷ,സത്യവതി,അര്‍ഷ,ദൃശ്യ-സംഘഗാനം

 ഈ വര്‍ഷത്തെ ബേക്കല്‍ ഉപജില്ലാ സ്കൂള്‍ കലോത്സവം നവംബര്‍ 16 ,21  22  23  24 തീയ്യതികളിലായി ഉദുമ ഗവ.ഹയര്‍ സെക്കണ്ടറി സ്കൂളില്‍ വെച്ച് നടന്നു.പതിവുപോലെ എല്‍.പി.വിഭാഗത്തിലെ കുട്ടികള്‍ക്ക് മത്സരിക്കാവുന്ന പരമാവധി ഇനങ്ങളില്‍ ഞങ്ങളുടെ കുഞ്ഞുങ്ങള്‍ മത്സരിക്കാന്‍ തീരുമാനിച്ചു. അധ്യാപികമാര്‍ തന്നെ പരിശീലകരായി..കൂട്ടുകാര്‍ക്ക് മുമ്പില്‍ പരിപാടികള്‍ അവതരിപ്പിച്ച് സഭാകമ്പം മാറ്റുവാനുള്ള അവസരങ്ങളും കുട്ടികള്‍ക്ക് നല്‍കി. എല്ലാ മേളകളും ഏതാണ്ട് ഒരേ സമയത്ത്   ആയതിനാല്‍ പരിശീലനത്തിന് വളരെ കുറച്ചു സമയമേ കിട്ടിയിരുന്നുള്ളൂ..മാത്രമല്ല,കഴിഞ്ഞവര്‍ഷത്തെ അപേക്ഷിച്ച് പാട്ട് പാടാനും മറ്റും കഴിവുള്ള കുട്ടികളും കുറവായിരുന്നു..അതിനാല്‍ പല മത്സരങ്ങളും 'ആമയും മുയലും'തമ്മിലുള്ള മത്സരമായിരിക്കുമെന്ന് ഉറപ്പ്‌! പങ്കെടുക്കുക എന്നതാണല്ലോ വിജയിക്കുന്നതിനേക്കാള്‍ പ്രധാനം.കുട്ടികള്‍ക്ക് കിട്ടുന്ന അവസരമല്ലേ,നടക്കട്ടെ...അത്രയേ കരുതിയുള്ളൂ...കഥാ കഥനം,പദ്യം ചൊല്ലല്‍,ലളിതഗാനം,മാപ്പിളപ്പാട്ട്,പ്രസംഗം,മോണോ ആക്ട്,കടംകഥ,ചിത്രരചന-പെന്‍സില്‍,ചിത്രരചന-ജലച്ചായം എന്നീ വ്യക്തിഗത ഇനങ്ങളിലും സംഘഗാനം,ദേശഭക്തിഗാനം 
കഥാ കഥനം-ജനി
എന്നീ ഗ്രൂപ്പിനങ്ങളിലുമാണ്‌   കുട്ടികള്‍ മത്സരിക്കാന്‍ പേര് നല്‍കിയത്.ഇതില്‍  മോണോ ആക്ട് ഒഴികെ എല്ലാ ഇനങ്ങളിലും പങ്കെടുക്കുകയും ചെയ്തു..രണ്ടിനങ്ങളില്‍ ഗ്രേഡുകള്‍ ഒന്നും ലഭിച്ചില്ല.മൂന്നിനങ്ങളില്‍ സി ഗ്രേഡും,അഞ്ചിനങ്ങളില്‍ ബി ഗ്രേഡും നേടാന്‍ ആയതു തന്നെ ഞങ്ങളെ സംബന്ധി ച്ചിടത്തോളം വലിയ കാര്യമാണ് .57 വിദ്യാലയങ്ങളാണ് എല്‍.പി.വിഭാഗത്തില്‍ മത്സരിക്കാനായി ഉപജില്ലയില്‍ ഉള്ളത്. 
പദ്യം ചൊല്ലല്‍-അര്‍ഷ
മത്സര ഇനങ്ങള്‍ എല്ലാം പൂര്‍ത്തിയായപ്പോള്‍ 44   പോയിന്റുമായി   അംബിക എ.എല്‍.പി.സ്കൂള്‍, ഉദുമ  ഒന്നാം സ്ഥാനവും ,37 പോയിന്റു വീതം നേടി ജി.എല്‍.പി.സ്കൂള്‍ തിരുവക്കോളി,ജി.യു.പി സ്കൂള്‍ പുല്ലൂര്‍ എന്നിവ രണ്ടാം സ്ഥാനവും ,36 പോയിന്റുകളോടെ  ബാര ജി.യു.പി.സ്കൂള്‍  മൂന്നാം സ്ഥാനവും നേടി മേളയിലെ ചാമ്പ്യന്‍മാരായി.(ഇതില്‍ പുല്ലൂര്‍ ഒഴികെയുള്ള മൂന്ന് സ്കൂളുകളും ഞങ്ങളുടെ പഞ്ചായത്തായ ഉദുമയില്‍ ആണെന്നതില്‍ ഞങ്ങളും അഭിമാനിക്കുന്നു...അവര്‍ക്ക് ആയിരമായിരം അഭിനന്ദനങ്ങള്‍!) 57 വിദ്യാലയങ്ങളുടെ കൂട്ടത്തില്‍ 18 പോയിന്റുകളോടെ പതിനെട്ടാം സ്ഥാനത്താണ്  ഞങ്ങളുടെ വിദ്യാലയമായ ബേക്കല്‍ ജി.എഫ്.എല്‍.പി.എസ് എന്നത് അഭിമാനാര്‍ഹമായ നേട്ടമായിത്തന്നെ ഞങ്ങള്‍ വിലയിരുത്തുന്നു.കാരണം 'കൊമ്പന്‍ സ്കൂളുകള്‍' പലതും ഞങ്ങളെക്കാള്‍ എത്രയോ പിന്നിലാണ്!  

പ്രസംഗം-ഷിബിന്‍
............36  കുട്ടികള്‍ മത്സരിച്ച ലളിതഗാനത്തില്‍ 6 പേര്‍ 'എ' ഗ്രേഡ് നേടിയപ്പോള്‍ ഏഴാം സ്ഥാനത്തെത്തിയ 'ശാലു'വിന് നേരിയ മാര്‍ക്കിന്റെ വ്യത്യാസത്തിലാണ് 'എ' ഗ്രേഡ് നഷ്ടമായത്.44  കുട്ടികള്‍ പങ്കെടുത്ത കഥാ കഥനത്തില്‍ ആറു  കുട്ടികള്‍ക്ക് എ ഗ്രേഡ് ലഭിച്ചപ്പോള്‍ ബി ഗ്രേഡോടെ പത്താം സ്ഥാനത്തെത്തിയ 'ജനി' നന്നായിത്തന്നെ കഥ പറഞ്ഞു.37 പേര്‍ മാറ്റുരച്ച മാപ്പിളപ്പാട്ട് മത്സരത്തില്‍ പത്തു പേര്‍ക്കായിരുന്നു എ ഗ്രേഡ്..
ദേശഭക്തിഗാനം-ശാലുവും സംഘവും
ശാലു-ലളിതഗാനം
പതിനൊന്നാം സ്ഥാനത്തെത്തിയ ദൃശ്യയ്ക്ക് ബി.ഗ്രേഡു കൊണ്ടു തൃപ്തിപ്പെടേണ്ടി വന്നു..സംഘഗാനത്തിന്റെ സ്ഥിതിയും ഇതു തന്നെയായിരുന്നു..മത്സരിച്ച് ഗ്രേഡുകള്‍ നേടിയത് 29  ടീമുകള്‍,ഇതില്‍ പത്തു പേര്‍ക്ക് എ ഗ്രേഡ്..ബി ഗ്രേഡുമായി പതിനൊന്നാമത് ഞങ്ങളുടെ ടീം!.............കുട്ടികളുടെ മൊത്തം  പ്രകടനത്തില്‍ സംതൃപ്തിയുണ്ടെങ്കിലും  അല്‍പ്പം കൂടി ശ്രദ്ധിച്ചിരുന്നെങ്കില്‍   മൂന്നിനങ്ങളി ലെങ്കിലും 'എ' ഗ്രേഡ് നേടാനാകുമായിരുന്നു   എന്നോര്‍ക്കുമ്പോള്‍ ചെറിയൊരു നിരാശ ഇല്ലാതില്ല..'പരാജയം വിജയത്തിലേക്കുള്ള ചവിട്ടുപടിയാണല്ലോ',അടുത്തവര്‍ഷ മാകട്ടെ,നോക്കാം ...

   29  ടീമുകള്‍ മത്സരിച്ച ദേശഭക്തി ഗാനത്തില്‍ രണ്ടു ടീമുകള്‍ക്ക് മാത്രമാണ് വിധികര്‍ത്താക്കള്‍ 'എ' ഗ്രേഡു നല്‍കിയത്!അഞ്ചു ടീമുകള്‍ക്ക് 'ബി' ഗ്രേഡും,ഞങ്ങളുടെ ടീം ഉള്‍പ്പെടെ ബാക്കിയുള്ള 22  ടീമുകള്‍ക്ക് സി ഗ്രേഡും...ഇത്ര പിശുക്ക് കാണിക്കണോ കൊച്ചു കുട്ടികളോട്... ഉപജില്ലാതലത്തിനപ്പുറം മത്സരമോ,ഗ്രേസ് മാര്‍ക്കിനായുള്ള അഭ്യാസമോ ഒന്നുമില്ലാത്ത ഈ കുഞ്ഞുങ്ങള്‍ക്ക്‌ അവരുടെ തലത്തില്‍ നിന്നുകൊണ്ട് വിലയിരുത്തി ഗ്രേഡുകള്‍ നല്‍കി പ്രോത്സാഹിപ്പിച്ചാല്‍ എന്താ കുഴപ്പം?      








ഞായറാഴ്‌ച, നവംബർ 20, 2011

''ഉപജില്ലയിലെ ശാസ്ത്രമേളയില്‍ നമ്മുടെ സ്കൂളിന് ഒന്നാം സ്ഥാനം!''



 ''നാട്ടുകാരേ കേട്ടോളൂ...
  ഉപജില്ലയിലെ ശാസ്ത്രമേളയില്‍ 
  നമ്മുടെ സ്കൂളിന് ഒന്നാം സ്ഥാനം!
  ഗണിത മേളയില്‍ രണ്ടാം സ്ഥാനം,
  പ്രവൃത്തിപരിചയ മേളയിലും 
  ഒന്നും രണ്ടും സമ്മാനങ്ങള്‍ 
  അപ്,അപ്, ജി.എഫ്.എല്‍.പി 
  വിജയിച്ചേ,വിജയിച്ചേ,
  ജി.എഫ്.എല്‍.പി.വിജയിച്ചേ..''
        ബേക്കല്‍ ഉപജില്ലാ  ശാസ്ത്ര മേളയില്‍ ഞങ്ങളുടെ സ്കൂളിന് ആദ്യമായി കിട്ടിയ ചാമ്പ്യന്‍ഷിപ്പ്!അധ്യാപകരുടെയും കുട്ടികളുടെയും ആഹ്ലാദം, മുഴുവന്‍ നാട്ടുകാരിലേക്കും എത്താന്‍ അധികം സമയം വേണ്ടി വന്നില്ല.സ്കൂള്‍ അസംബ്ലി കഴിഞ്ഞയുടനെ നാടു ചുറ്റി ഒരു ആഹ്ലാദപ്രകടനം..കുട്ടികളുടെ ആവേശത്തോടെയുള്ള   മുദ്രാവാക്യം വിളി  കേട്ടില്ലേ?കടപ്പുറത്തെ കൊച്ചു കുടിലുകളില്‍ നിന്നും മക്കളുടെ ജാഥകാണാന്‍ രക്ഷിതാക്കള്‍ ഒടിയെത്തുകയായി..... അത് കണ്ടപ്പോള്‍ കുട്ടികളുടെ ആവേശം ഇരട്ടിയായി..മുദ്രാവാക്യം വിളിയുടെ ശക്തി കൂടി...ചിലര്‍ കാര്യമറിയാതെ പകച്ച നില്‍ക്കുകയാണ്..''എന്താ മാഷേ,കാര്യം?''തിരക്കിയവരോടൊക്കെ ഞാന്‍ കാര്യം പറഞ്ഞു..സംഗതി പിടി കിട്ടിയപ്പോള്‍ അവര്‍ക്കും സന്തോഷം..''നമ്മുടെ മക്കള്‍ ഉഷാറാക്കിയല്ലോ   ''ചിലരുടെ കമന്റ് .. ''പണ്ടത്തെപ്പോലെയൊന്നുംഅല്ല,   ഇപ്പം എല്ലാ പരിപാടിക്കും കുട്ട്യോള് പോണ്‌ണ്ട്..സമ്മാനോം 
 
കിട്ടുന്നുണ്ട്..നല്ല കാര്യല്ലേ അത്  ...''ആളുകളുടെ സംസാരം തുടര്‍ന്നുകൊണ്ടേയിരുന്നു......ഈ നല്ല വാക്കുകള്‍ തന്നെയാണ് ഞങ്ങളുടെ പ്രചോദനം.'കടപ്പുറത്തെ സ്കൂളിലെ പിള്ളേര് പഠിക്കില്ല' എന്നു പറഞ്ഞു നടന്നിരുന്ന   ചില പുത്തന്‍ പണക്കാര്‍ പ്രതാപം കാട്ടാനായി മക്കളെ കോട്ടും സൂട്ടു മിടീച്ച്,  കാശ് പിടുങ്ങുന്ന സ്കൂളുകളിലേക്ക് അയച്ചിരുന്നല്ലോ..ഇനി കടലില്‍ പണിക്കു പോകുന്ന സാധാരണ തൊഴിലാളികള്‍ തന്നെ അവരോടു പരഞ്ഞുകൊള്ളും..'ഞങ്ങളുടെ മക്കളും ഒട്ടും മോശമല്ലെന്ന്'. 
       ...ഉപജില്ലാതല മേളകളിലെല്ലാം കുട്ടികളുടെ പൂര്‍ണ പങ്കാളിത്തം ഉറപ്പിക്കാന്‍ കുറച്ചു വര്‍ഷങ്ങളായി ഞങ്ങള്‍ ശ്രദ്ധിക്കാറുണ്ടായിരുന്നു..എല്ലായ്പ്പോഴും കൊച്ചു കൊച്ചു സമ്മാനങ്ങളും കിട്ടിയിരുന്നു..ഞങ്ങള്‍ അത്രയേ പ്രതീക്ഷിച്ചിരുന്നുമുള്ളു..മൂന്നു വര്‍ഷം മുമ്പ് ഗണിത മേളയില്‍ കിട്ടിയ രണ്ടാം സ്ഥാന മായിരുന്നു ഇതുനു മിമ്പു കിട്ടിയ ഏറ്റവും വലിയ സമ്മാനം..   ഇപ്പോള്‍ അത് ഒന്നാം സ്ഥാനത്തോളം എത്തിയിരിക്കുന്നു!തീര്‍ച്ചയായും കൂട്ടായ്മ യുടെ വിജയം തന്നെയാണിത്.മേളകളുടെ   കാര്യത്തില്‍ മാത്രമല്ല,  അക്കാദമിക മികവിലേക്ക് വിദ്യാലയത്തെ നയിക്കുന്നതിനും അധ്യാപകരുടെയും,കുട്ടികളുടെയും,രക്ഷിതാക്കളുടെയും, പൊതു സമൂഹത്തിന്റെയും ഈ കൂട്ടായ്മ കാരണമായിട്ടുണ്ട്.
 

         ...എല്‍.പി.വിഭാഗം ശാസ്ത്രമേളയില്‍ സയന്‍സ് ചാര്‍ട്ടിനു 'എ' ഗ്രേഡോടെ ഒന്നാം സ്ഥാനവും(ഷിബിന്‍&ശാലു)),ലഘു പരീക്ഷണത്തിന് രണ്ടാം സ്ഥാനവും(രാഹുല്‍&അര്‍ഷ-'എ'ഗ്രേഡ്‌ ) നേടിയതു   കൊ ണ്ടാണ് ഞങ്ങള്‍ക്ക് ഇത്തവണ ചാമ്പ്യന്‍ഷിപ്പ് കിട്ടിയത്.  
     സാമൂഹ്യശാസ്ത്രമേളയിലും ചാര്‍ട്ട് വിഭാഗത്തില്‍ ഞങ്ങള്‍ക്കു തന്നെയായിരുന്നു ഒന്നാം സ്ഥാനം.(സത്യവതി&മാളവിക)


 ഗണിതമേളയില്‍ പസിലിന് രണ്ടാം സ്ഥാനവും(ശരത്.യു) ജ്യോമെട്രിക് ചാര്‍ട്ടിനു മൂന്നാം സ്ഥാനവും (ജനു.ജെ)  നേടി ഓവറോള്‍ മൂന്നാം സ്ഥാനം കരസ്ഥമാക്കാനും ഞങ്ങള്‍ക്കായി.
                 പ്രവൃത്തി പരിചയ മേളയില്‍ എട്ടിനങ്ങളിലാണ്  മത്സരിച്ചത്.ഇതില്‍ ബുക്ക് ബൈന്റിങ്ങിനു ഒന്നാം സ്ഥാനവും(റോഷന്‍ കെ.കെ)വെജിറ്റബിള്‍ പ്രിന്റിങ്ങിനു രണ്ടാം സ്ഥാനവും(അഭിനന്ദ്.ആര്‍) 'എ'  ഗ്രേഡോടെ  
 തന്നെ കരസ്ഥമാക്കാനായി.മറ്റു നാലിനങ്ങളില്‍ 'സി'.ഗ്രേഡാണ്  കിട്ടിയതെങ്കിലും ഞങ്ങള്‍ സംതൃപ്തരാണ്.വരും വര്‍ഷം കൂടുതല്‍ ആത്മ വിശ്വാസത്തോടെ മേളകളില്‍ പങ്കെടുക്കാന്‍ ഈ വിജയം ഞങ്ങള്‍ക്ക് കരുത്തു നല്‍കുന്നു. 
      ......വനസംരക്ഷണത്തിന്റെ   പ്രാധാന്യം വ്യക്തമാക്കുന്ന സയന്‍സ് ചാര്‍ട്ടും,റോഡപകട   
ങ്ങളുടെ കാരണങ്ങളും ,പരിഹാര നിര്‍ദേശങ്ങളും പ്രതിപാദിച്ച സാമൂഹ്യശാസ്ത്ര ചാര്‍ട്ടും
ഏവരുടെയു ശ്രദ്ധ പിടിച്ചു പറ്റിയിരുന്നു.

          കാഞ്ഞങ്ങാട് വെച്ച് നടന്ന റവന്യൂ ജില്ലാ ശാസ്ത്രോല്‍സവത്തില്‍  സയന്‍സ് ചാര്‍ട്ട്,ലഘു പരീക്ഷണം,സാമൂഹ്യശാസ്ത്രം ചാര്‍ട്ട്,ഗണിത പസില്‍,വെജിറ്റബിള്‍ പ്രിന്റിംഗ്,ബുക്ക് ബൈന്റിംഗ്എന്നീ ഇനങ്ങളില്‍ പങ്കെടുക്കുന്നതിനുള്ള അവസരവും ഞങ്ങളുടെ കുട്ടികള്‍ക്ക് ലഭിച്ചു.ഇതില്‍ സയന്‍സ് ചാര്‍ട്ടിനു 'എ' ഗ്രേഡോടെ നാലാം സ്ഥാനംലഭിച്ചു.വമ്പന്‍ സ്കൂളുകള്‍ക്കൊപ്പം മത്സരിച്ച്  വെജിറ്റബിള്‍ പ്രിന്റിങ്ങിനു 'എ' ഗ്രേഡും സാമൂഹ്യശാസ്ത്രം ചാര്‍ട്ടിനു 'ബി' ഗ്രേഡും ലഭിക്കാനായത് ഞങ്ങളെ സംബന്ധിച്ച് വലിയ നേട്ടം തന്നെയാണ്........