സമയം രാവിലെ പത്തുമണി.പതിവുപോലെ സ്കൂള് അസംബ്ലി ആരംഭിച്ചു.പ്രാര്ഥനയും,പ്രതിജ്ഞയും,പത്രപാരായണവും ഒക്കെ കഴിഞ്ഞ് കുട്ടികളോട് സംസാരിക്കവേ ഞാന് ചോദിച്ചു,"ഇന്നെലെ പ്രധാനപ്പെട്ട ഒരു ദിനം ആചരിച്ചതായി ഇപ്പോള് വായിച്ച പത്രവാര്ത്തയില് ഉണ്ടായിരുന്നല്ലോ,ഏതാണ് ആ ദിനം?"
"പി.എന്.പണിക്കരുടെ '' കുറച്ചു കുട്ടികള് പറഞ്ഞു.
"എന്തിനാണ് പി.എന്.പണിക്കരുടെ ചരമദിനം വായനാദിനമായി ആചരിക്കുന്നതെന്ന് ആര്ക്കെങ്കിലും അറിയാമോ?"
എന്റെ ചോദ്യത്തിന് ഒറ്റ വാക്കിലോ,വാക്യത്തിലോ ഉള്ള ഉത്തരം ഞാന് പ്രതീക്ഷിച്ചിരുന്നില്ല.ഇതിനെക്കുറിച്ച് കുട്ടികള്ക്കുള്ള ധാരണ പരിശോധിക്കുക മാത്രമായിരുന്നു ഉദ്ദേശ്യം.
"വളരാന് വേണ്ടി വായിച്ചാല് മതിയോ?" എന്റെ ചോദ്യം കേള്ക്കേണ്ട താമസം,ഒന്നാം ക്ലാസ്സിലെ ഹൃദ്യ പ്രതികരിച്ചു,
"പോര.....തിന്നണം" മറ്റു കുട്ടികള് ചിരിക്കാന് തുടങ്ങിയപ്പോള് ഞാന് പറഞ്ഞു,
"ഹൃദ്യ പറഞ്ഞത് ശരിയാ..ആഹാരം കഴിക്കാതെ വളരില്ല....എന്നാല്,വായിച്ചില്ലെങ്കിലും വളരും എന്ന് ആരോ പറഞ്ഞിട്ടുണ്ടല്ലോ..അതാരാ?"
"കുഞ്ഞുണ്ണിമാഷ്" മാഷ് പറഞ്ഞത് പോലെ കുട്ടികള് വിളിച്ചു പറയാന് തുടങ്ങി.
വായിച്ചാല് വിളയും,വായിച്ചില്ലെങ്കില് വളയും"
.......എന്തായാലും,വായനാദിനവുമായി ബന്ധപ്പെട്ട് ചില കാര്യങ്ങളെങ്കിലും കുട്ടികള് മനസ്സിലാക്കിയിട്ടുന്ട്.കഴിഞ്ഞ വെള്ളിയാഴ്ച തന്നെ ക്ലാസ്സുകളില് ആദ്യവട്ട ചര്ച്ച നടന്നിരിക്കണം.ഇക്കാര്യം മനസ്സില് വെച്ച് ഞാന് തുടര്ന്നു,
"ജൂണ് 19 മുതല് ഒരാഴ്ചക്കാലം വായനാവാരമായി കേരളത്തില് മുഴുവന് ആചരിക്കുകയാണ്.ഈയവസരത്തില് പി.എന്.പണിക്കരുടെ സന്ദേശം ഓര്മ്മിച്ചു കൊണ്ട്
ഒട്ടേറെ പുസ്തകങ്ങള് തിരിച്ചറിയുകയും ചെയ്തു.ആവശ്യമായ വിവരങ്ങള് കുറിചെടുക്കാനും അവര് മറന്നില്ല.
"കാട്ടിലെ കിളികള്ക്കും മരം വേണം
നാട്ടിലെ മനുഷ്യര്ക്കും മരം വേണം "- എന്ന സുഗതകുമാരി ടീച്ചറുടെ കവിത 'ടീച്ചറോടൊപ്പം' വളരെ ആവേശത്തോടെ കുട്ടികള് പാടിയപ്പോള്, അന്താരാഷ്ട്ര വനവര്ഷത്തില് വനസംരക്ഷണത്തിന്റെ പ്രാധാന്യം ഒരിക്കല്ക്കൂടി തിരിച്ചറിയുകയായിരുന്നു അവര്!വായനാവാരത്തിന്റെ
സമാപനത്തോടനുബന്ധിച്ചു സംഘടിപ്പിച്ച 'ബാലസഭ '
ഉത്ഘാടനം കുട്ടികളെ അക്ഷരാര്ഥത്തില് ആവേശ ഭരിതരാക്കി.പള്ളിക്കര ഗവ.ഹയര് സെക്കണ്ടറി സ്കൂളിലെ മലയാളം അധ്യാപകനും,ശാസ്ത്ര സാഹിത്യ പരിഷത്ത് പ്രവര്ത്തകനുമായ സുകുമാരന് ഈയ്യക്കാട് നാടന് പാട്ടുകള് പാടിയും കുമ്മാട്ടിയുടെ കഥ പറഞ്ഞും,ബഷീറിന്റെ കഥാ പാത്രങ്ങളെ പരിചയപ്പെടുത്തിയും കുട്ടികളെ കയ്യിലെടുത്തു!ഇനിയങ്ങോട്ട് എല്ലാ മാസവും ഒന്നാമത്തെയും മൂന്നാമത്തെയും വെള്ളിയാഴ്ചകളില് ക്ലാസ് ബാലസഭകളും നാലാമത്തെ വെള്ളിയാഴ്ച സ്കൂള് ബാലസഭയും സംഘടിപ്പിക്കാന് തീരുമാമെടുത്തു കൊണ്ടാണ് ഉത്ഘാടന പരിപാടി അവസാനിച്ചത്.
ആയിരുന്നു വായനാവാരത്തിലെ അവസാന പരിപാടി. സി.ഡി/പുസ്തക പ്രദര്ശനങ്ങളെ ആസ്പദമാക്കിയുള്ള ചോദ്യങ്ങളായിരുന്നു അധികവും.ഒപ്പം പത്രവാര്ത്തകളുമായി ബന്ധപ്പെട്ട് ആനുകാലിക സാഹിത്യത്തെ ക്കുറിച്ചുള്ള ചിലതും..ആകെ 15 ചോദ്യങ്ങള്..പങ്കാളികള് 2,3,4 ക്ലാസ്സുകളിലെ മുഴുവന് കുട്ടികളും!ഓരോ ക്ലാസ്സിലെയും വിജയികളെ പ്രത്യേകം പ്രത്യേകം നിശ്ചയിച്ചു.
8 പോയിന്റു നേടിയ ശരത്തും,6 പോയിന്റു നേടിയ റോഷ്നിയും യഥാക്രമം മൂന്ന്,രണ്ടു ക്ലാസ്സുകളില് നിന്ന് ഒന്നാം സ്ഥാനത്തിനു അര്ഹരായി. വായനാ വാരത്തില് നിന്നും പ്രചോദനം ഉള്ക്കൊണ്ട് നല്ല വായനക്കാരായി മാറാനുള്ള ശ്രമത്തിലാണ് ഞങ്ങളുടെ കുഞ്ഞുങ്ങള്...എല്ലാവരെയും സ്വതന്ത്ര വായനക്കാരാക്കി മാറ്റുക എന്ന സ്വപ്നവുമായി ഞങ്ങള് അധ്യാപകരും...എല്ലാവിധ പിന്തുണയുമായി ഞങ്ങളുടെ രക്ഷിതാക്കളും ...മികവില് നിന്നും സുസ്ഥിര മികവിലേക്ക്..അതാണ് ഞങ്ങളുടെ ലക്ഷ്യം..അതിലേക്കായി മുന്നോട്ട്..മുന്നോട്ട്..മുന്നോട്ട്.....
